Презентація на тему:
Робочий зошит з білоруської мови для 4 класу

Робочій зошыт про 4. класу основных школ із навчалным языком русиньскым і з навчанём русиньского языка

Головне посланя учебника сістематічне упевнёваня русиньской азбукы (писаной і друкованой) способом познаваня творіня слов, частей речі, розвиток i збогачованя основной словной засобы в кодіфікованїм русиньскім языку через різны слоговы темы, сістематізація і пошырёваня знаня роботы з літературным текстом, навчаня о історії (прибывать), освоїня основ лексіколоґії, штілістікы, веджіня ку самостатности школяря на основі чісла задань, через котры школярь здобывать знаня азбукового письма і знань з языка, котре ся сістематізує.

Методолоґічне заміряня учебника

Методы (средства і актівіты) навчаня перепис речінь і уціленого тексту, доповнёваня частей слов, речінь, тексту, підкреслёваня частей слов, речінь, тексту, крижовкы, ребусы, окрема робота подля взорів ку заданям, малёваня, ілустрації, комікс, проблемова метода, робота з літературным текстом, навчаня історії (будителї) і основ народопису (співанкы, пословіці), робота з языковыма приручками (правила правопису, орфоґрафічный словник), творіня речінь, опросів і сувіслого тексту (властны творы).

Штруктура учебника

Штруктура учебника 1. часть – ЗАДАЧІ НА РОЗВИТОК ЗАСОБЫ СЛОВ 2. часть – ЗАДАЧІ НА РОЗВИТОК ПИСАНЯ 3. часть – ЗАДАНЯ НА РОБОТУ З ЛІТЕРАТУРНЫМ ТЕКСТОМ 4. часть – ДОПОВНЮЮЧІ ЗАДАНЯ

1. часть – ЗАДАЧІ НА РОЗВИТОК ЗАСОБЫ СЛОВ (округы і актівіты) Розвиток словной засобы в тых округах. Шпорт Заграйме ся Звірята В зоопарку Людьске тїло Части рока Ярь Лїто Осінь Зима Годины

2. часть – ЗАДАЧІ НА РОЗВИТОК ПИСАНЯ (округы і актівіты) русиньска азбука – опакованя і упевнїня, ряд слов в речіню, оправа тексту, перепис текстїв, гляданя слов уведженой властности, творіня речінь о рисункох, писаня чуджіх слов, парафразованя тексту писанов формов, писаня письма – творіня властного уціленого тексту, доповнёваня вгодных слов до тексту, писаня звуково подобных слов, роздїлёваня слов на склады, писаня многоскладовых слов.

3. часть – РОБОТА З ЛІТЕРАТУРНЫМ ТЕКСТОМ (актівіты і термінолоґія) одповіди на опросы, ілустрація, комікс, выписованя слов урченой властности, головна думка тексту, основа прочітаного тексту, ядро тексту, автор, байка, приповідка, як добрі положыти опрос і як на нёго одповісти, репродукція тексту, оръєнтація в текстї, постава літературного дїла, зміна назвы тексту, творіня опросів о текстї, гляданя і выписованя пословіць, творіня тексту – зажыток з вакацій, што мож вычітати з ілустрації.

4. часть – ДОПОВНЮЮЧІ ЗАДАНЯ Упевнёваня знань о русиньскій азбуці – твары і ідентіфікація букв.

Корешпонденція учебника Выданя робочого зошыта є незалежным выданём, котре учітелї можуть хосновати на фіксацію писаня і чітяня русиньской азбукы, з учебником русиньского языка про 4. класу некорешпондує нияка часть. Літературна часть є наводом про учітеля як продовжовати в роботї з текстом i котрым явом веновати позорность в чітанкі про 4. класу.

Як успішно хосновати учебник? “одпоручіня“ Кажду годину робити із каждов з штирох частей робочого зошыта. В части – ПИСАНЯ – робити все по єднїм заданю. Кажду тему в части на розвиток словной засобы роздїлити на дві годины. В третїй части так само переберати лем єдно заданя і потїм перебераный яв апліковати на слїдуючім текстї із чітанкы. Ґраматічну часть переберати все по єднїм заданю.

Проблемы із учебником з праксы не суть іщі знамы.

Одпоручены і планованы дідактічны помічникы зошыты ч. 514 тематічны наповідны рисункы і таблы на розвиток засобы слов, настїнна табуля з русиньсков азбуков із наводом на роботу з літературным текстом, народны співанкы із музічныма подкладами, діґітална подоба учебника, штобы ся дала схосновати при роботї з проєктором або з інтерактівнов табулёв.